Ana Gab Da Rufe Wasu Makarantun Musululmi guda biyu a Sweden

Tehran (IQNA) Jami'an tsaron kasar Sweden da ke da alhakin yaki da ta'addanci, sun dade suna sa ido a makarantun Islamiyya guda biyu, kuma sun yi gargadin cewa daliban na cikin hadarin samun tsatsauran ra'ayi sakamakon karantar da darussan addinin muslunci, don haka ya kamata a rufe su.

A cewar masu ra'ayin mazan jiya na Turai, wasu makarantun Islama guda biyu na gab da rufewa, bayan da jami'an tsaron Sweden suka yi gargadin cewa dalibai na cikin hadarin tayar da tarzoma.

Bayan hukuncin kotun gudanarwa, ba za a bar wadannan makarantu biyu na Islama masu zaman kansu da ke kasar Sweden, wadanda ke gudanar da ayyukan ba bisa ka'ida ba, su ci gaba da aiki.

Tashar talabijin ta Sveriges Television AB (SVT) ta bayar da rahoton cewa, makarantu biyu da ke Stockholm da Uppsala, sun rufe kofofinsu bayan da wata kotu ta ce ba su cika ka'idojin da suka shafi tsarin ilimin kasar Sweden ba.

Da take magana game da wannan hukunci, shugabar kotun kula da harkokin birnin Stockholm Eva Forberg ta ce: Matsalolin gudanarwar wadannan makarantu na da matukar tsanani da ya sa aka tilastawa hukumomi rufe su.

Sapo, jami'an tsaron kasar Sweden da ke da alhakin ayyukan yaki da ta'addanci, sun dade suna sa ido a makarantun biyu tare da gargadin hukumar kula da makarantun cewa akidar Islama ta shafe su da kuma fuskantar barazanar tayar da zaune tsaye. Wannan kungiyar gwamnati ce ke da alhakin gudanar da cikakken jarrabawar makarantu da kuma tantance aikace-aikacen gudanar da makarantu masu zaman kansu.

A farkon wannan shekara a watan Mayu, Hukumar Kula da Makarantun Sweden ta soke lasisin makarantun biyu bisa gargadin da Hukumar Tsaro ta Sweden ta bayar. A shawarar da ta yanke na soke lasisin, wannan kungiya ta bayyana cewa masu gudanar da ayyukan ba su da ikon gudanar da wadannan makarantu.

Bayan yanke hukuncin binciken, duka makarantun biyu sun daukaka kara kuma an ba su izinin ci gaba da aiki har sai lokacin da kotun gudanarwa ta yanke hukunci. Wadannan makarantu guda biyu sun hada da makarantar Imam mai dalibai kusan 200 sai kuma makarantar Pragros mai dalibai kusan 80.

Makarantar da ke Uppsala na shirin daukaka kara kan hukuncin da kotun gudanarwa ta yanke. Majid Ashkar, mamba a hukumar makarantar ne ya bayyana hakan a wata sanarwa da ya fitar: "Hukumar tana ganin wannan hukuncin bai dace ba." Babu wata shaida kan abin da ake tuhumar mu da shi.

4110164