Danimarka Qurana hörmətsizliyi qadağan edən qanun qəbul edib
"İQNA", "Ərəbi 21"-ə istinadən xəbər verir ki, Danimarka parlamenti cümə axşamı müqəddəs kitablar və mətnlərə qarşı "uyğun olmayan davranışları" və Quranın yandırılmasını faktiki olaraq qadağan edən qanun qəbul edib.
Son aylar Danimarkada və bir sıra digər Avropa ölkələrində Qurani-Kərimin və islami müqəddəslərin dəfələrlə təhqir olunması müsəlmanları və İslam ölkələrini qəzəbləndirmişdi.
179 üzvdən ibarət Danimarka parlamenti "dini icmalar üçün mühüm dini əhəmiyyət kəsb edən mətnlərlə uyğun olmayan davranışı" qadağan edən qanun layihəsini lehinə 94 səs, əleyhinə 77 səslə təsdiqləyib.
Danimarkanın ədliyyə naziri Jitter Humelqaard ötən avqust ayında demişdi: “Son vaxtlar Quran yandırılması mövcud təhlükələrə təsir edir. "Biz təhlükəli vəziyyətdəyik və Danimarkanın üzləşdiyi təhlükələrlə mübarizə aparmaq üçün Danimarkanın sərhədlərinə ciddi nəzarətə ehtiyacımız var".
Son bir-iki ildə İsveç, Danimarka və Hollandiya ölkələri İslam ölkələrinin səfirlikləri qarşısında tez-tez bu cinayəti törədən ekstremist ünsürlər tərəfindən Qurani-Kərimi təhqir etmək cinayətlərinə səhnə olublar. adı çəkilən Avropa ölkələri islam ölkələrinə çağırılıb, digər tərəfdən bəzi İslam ölkələri də bu Avropa ölkələrindən öz diplomatlarını çağırıblar.
İsveç rəsmiləri də Qurani-Kərimin təhqir olunması ilə mübarizə yollarını nəzərdən keçirir.
4186537
