پاکستان په سورئې کې د امنیت اوثبات بشپړ ملاتړ کوي
ایکناخبری آژانس د پارس ټوډې له قوله راپور راکړ،د پاکستان ولسمشر عارف علوي په اسلام اباد کې د سورئې له سفیر رمیزالراي سره په کتنې کې ووئيل، پاکستان د سورئې د امنیت او ثبات په ټينګیدا کې ددغه هیواد له حکومت او ملته بشپړ ملاتړ کوي.
پاکستان په وروستیو کلونو کې د سورئې د یوه دودیز دوست هیواد په توګه ، تل د خبرواترو او ډيپلوماسۍ له لارې د سورئې د بحران دحل یو پلوی دی او د ځينو لویدیځي قدرتونو پّ تیره بیا د فارس خلیج د حوزې د ځينو عربو هیوادونو له دباؤنو سره سره دبشار اسد د حکومت په ضد د هرډول پلان سره ئې خپل مخالفت اعلان کړی او دخپلو اصلي دریځونو بدلولو ته هیڅکله هم تیار شوی نه دی.
د پاکستان ولسمشر عارف علوي پرون په اسلام اباد کې د سورئې له نوي سفیر رمیز الرائ سره په کتنې کې ووئيل، په پاکستان کې د سورئې د تام الاختیار سفیر منصوبیدا د دواړو هیوادونو داړیکو دلاپياوړتیا په لارې کې یو نوی ګام دی .
دپاکستان ولسمشر د بشار اسد د بریالیتوب او د دسورئې د حکومت او ولس د سرلوړئ لپاره په هیلې کولو سره ئې په دغه هیواد کې د سولې ، امنیت اوثبات بشبړ ملاتړ اعلان کړ.
په پاکستان کې د سورئې نوي سفیر هم د پاکستان ولسمشر ته د سورئې ا و پآکستان ترمینځ د مناسباتو د پیاوړتیا لپاره د چمتووالي په اعلان سره د بشار اسد خصوصي پیغام هم ورسوۀ.
