Hindistanda 600 illik tarixi məscid sökülüb
“Indian Express” qəzetinin verdiyi məlumata görə, məscidin imamı Zakir Hüseyn səhər namazına hazırlaşarkən məscidə polisin basqın etdiyini və mədrəsədə təhsil alan uşaqlara 10 dəqiqə ərzində əşyalarını yığıb məscidi tərk etmələri əmri verildiyini bildirib.
Yeni Dehli İnkişaf Təşkilatının heç bir məlumat vermədən Akhonji məscidini sökdüyünü qeyd edən Hüseyn, söküntünün videoya çəkilməməsi üçün telefonunun müsadirə edildiyini və səlahiyyətlilərin Qurani-Kərimləri belə almalarına icazə vermədiklərini qeyd edib.
Məscidə bağlı Bəhrul-Ulum mədrəsəsində təhsil alan tələbələrin söküntünün qurbanı olduğunu bildirən Hüseyn məscidin bağçasında qəbirlərin olması ilə bağlı məlumatı da paylaşıb.
Məscidin imamı bildirib ki, səlahiyyətlilər heç bir dəlil qalmamaq üçün dərhal dağıntıları toplayıblar.
Yerli əhali məscidin Moğol İmperiyası dövründə tikildiyini və tikilinin təqribən 600-700 il yaşı olduğunu bildirib.
MƏNBƏ: AA
